تاز عضو نشيط
عدد الرسائل : 97 المزاج : اللهم صلي على محمد وال محمد طريقة وصولك للمنتدى : https://i.servimg.com/u/f40/11/40/17/36/untitl72.gifhttps://i.servimg.com/u/f40/11/40/17/36/16051512.gifhttps://i.servimg.com/u/f40/11/40/17/36/16051611.gifhttps://i.servimg.com/u/f40/11/40/17/36/15751510.gif تاريخ التسجيل : 23/02/2008
| موضوع: قصيدة لاربعين الامام الحسين (ع) الأحد مارس 02, 2008 11:33 am | |
| هذه الى الشاعر خادم الامام الحسين السيد هادي الحمامي
بسم ألله ألرحمن ألرحيم -------------------------
ابحـــسره وألم رديـــنه أﮔـعد شوفنه اشبينه افراﮔـك واليسر يحسين خلّن بالـﮔلـب نارين أﮔـعد شوفنه اشبينه ------------------------ ردَّينـــه يخــــويه مــــــن اليــــسر والشـــام اﮔـعـــــــــد شــــوف حال الحــــــرم والأيتام تشـﭽـيلك هضمهـــــه او قســــــــــوة ألأيام ولا إلهــــــه طبـگ يبن أمي جفـــــن او نام ألسهر سوط اويِجَرْح اعيون وسوط العدو يِجَرْح امتون او يدْمَــن خويه هالجرحيــن خلّن بالـﮔـلب نارين إﮔـعد شوفنه إشبينه ------------------ 1 يخويـــه اﮔـعــد واسولفلك اهمومـــي إثـﮔـال ﭽــــل حيلي يخـــــويه او لا بعـــــد تنشــــال ولختــــــــه كل أخـــــو يسألهه عــــن الحال وعـــــــن هضـــم الجــــرالي او ذوّب الدلاّل ماعدهــــه العده رحمــه والغربــــه أشـــد زحمـــه ابدلاّلي صفـــن رمحيــن خلــــّن بالـﮔـلب ناريـــــن إﮔـعد شوفنه إشبينه ------------------------- 2 مــــــن ﮔـطعوا وريــــــــدك والعـــــــده هِجمَت صاحــــــــوا بالخيـــم فرهـــــــــود وانّنِهْبــــَت وبنــــار ألضــــغيــنه اخيــــــامنـــه إنحرﮔـــت ومــــــــن الخـــــوف اطفال او حــــــــرم فرّت فرّت كلهه من الخوف صحره والفضه مكشوف حرگ نهب الصواوين خلّن بالـﮔـلب جرحــــين إﮔـعد شوفنه إشبينه ------------------------ 3 صحــــت ونْخَيـــت أخــــوتي ألعدو والينه ونيران الحقـــــــد والضمــــــــه إتـﭽوينه ولا عباس ينهض تــــــــرد ﭽـــــفّـيـــــنه ومــــــــــن جوده الـﮔمر بـﭽفوفه يروينه ولا منهم سمع صوتي كلهه اموذره اخوتي عينه اوﮔـطعت الـﭽفين خلّن بالـﮔـلب ناريــن إﮔـعد شوفنه إشبينه ----------------------- 4 إنهدم خدري يخويــــــه او طاح بنيانـــــــه وصعبــــه وﮔـفتي وبــــــوسط ديــــــــوانه ينظر لي او يســـــــبني ابـــــــن مــــرجانه تمنّتك عــــــــــــدل وتـــــﮔـطّع إلســـــــانه صعبه وﮔـفة الديوان صرنه فِرْجَه للعدوان وعملات الوكت والبين خلّن بالـﮔـلب نارين إﮔـعد شوفنه إشبينه ----------------------- 5 وبعدهـــــــه إلشام أُميــــــــه ابهضم ودّونه اوفرجــــــه للخـلـگ يبــــــــــن امّي خلّونه ابديـــــــوان الذبحكم غصـــــــب وﮔــــفونه ولبـــــونه المرتضه ﮔـامــــــوا يســــــبّونه سب حيدر يبو سكينه ويتشفّـــه غـــــده بينه الشماته اوسب ابو الحسنين خلّن بالـﮔـلب ناريــــن إﮔـعد شوفنه إشبينه --------------------- 6 أشد واصعب هضيمه خويه شفناهه على اشفافك يزيـــــد اسياطه لوّاهه ورقيّــــه هناك يم راسك فـﮔــــدناهه اوبارض الشـــــــام يبن امّي دفنّاهه شافت راسك امدمّه ابويه صاحت إبهضمه وﮔـعت تلثم الشفتين خلّن بالـﮔـلب ناريـــــن إﮔـعد شوفنه إشبينه ---------------------- 7 الموشـــــــــــــــح ----------------- اليــــوم اربعينك يخـــويه واعتنيت غصب عنّك سافرت واليــوم اجيت وعلى ﮔـبرك لملمت حيلي اوبـﭽيت والعــدو حيلي يخــــــــويه هدّمه ------------------- 1 اجيتك ابلهفـــــــة امفارگ يالحنين
ﮔـوم ليّه اوشـــوفني خويه يحسين وارد انشدك عن اخوتي صفوا وين ﮔــــــــــوم دلّيني يبن حامي الحمه -------------------- 2 انهض ابهمــــــتك يبن داحي الباب ﮔــــــوم راويني خيمنه الـﮔـلب ذاب بس اشوف ارماد من ذيـچ الأطناب اوﭽـن اشــــــــوف اعتابهه متألمه -------------------- 3 وارد انشدك وين عبد الله الرضيع خـــويه نيمته اعلَ نحرك لا يضيع هاي امّــــــة جـــدّك اوهذا الصنيع جازت اتعابه ابســـــفك اطهر دمه خادم الحسين
تحياتي | |
|
ابو عبود12 عضو متميز
عدد الرسائل : 319 المزاج : رائع تاريخ التسجيل : 21/02/2008
| موضوع: رد: قصيدة لاربعين الامام الحسين (ع) الخميس مارس 06, 2008 3:16 am | |
| شكراااااااا تاز على الطرح ننتظر جديدك
تحياتي..... | |
|
حبوب صحار عضو متقدم
عدد الرسائل : 42 تاريخ التسجيل : 25/04/2008
| موضوع: رد: قصيدة لاربعين الامام الحسين (ع) الإثنين مايو 05, 2008 1:58 am | |
| | |
|